अन्तर्राष्ट्रिय नेपाली साहित्य समाज नेपाल च्याप्टरको आयोजनामा साहित्यिक एवं सांस्कृतिक कार्यक्रम सम्पन्न

  • प्रकाशित मिति : January 6, 2022
  • echautari.com

अन्तर्राष्ट्रिय नेपाली साहित्य समाज नेपाल च्याप्टरको आयोजना, गोरखा नगरपालिकाको प्रायोजन र अनेसास सदस्य शान्ता बस्नेतको संयोजनमा एक भव्य साहित्यिक एवं सांस्कृतिक कार्यक्रम सम्पन्न भएको छ ।

नेपाल च्याप्टरका अध्यक्ष सन्ध्या पहारीको अध्यक्षतामा भएको उक्त कार्यक्रममा गोरखा नगरप्रमुख राजनराज पन्त प्रमुख अतिथि, विशिष्ट अतिथिमा बीओटीका अध्यक्ष गीता खत्री, नगरपालिकाका उपप्रमुख बिणा श्रेष्ठ, अतिथिमा अनेसास केन्द्रका सचिव बिमला निरौला, केन्द्रीय सदस्य डा। रेणुका सोलु, समालोचक लिला लुइँटेल थिए भने नेपाल च्याप्टरका उपाध्यक्ष राजेन्द्र केसी, गीता कार्की, गीता मैनाली, वरिष्ठ पत्रकार जयदेव भट्टराई, कवि एवं सञ्चारकर्मी मणि लोहनी, अनेसास सदस्य हरिबोल ढकाल, सदस्य सुष्मा अंशु , राष्ट्रिय कलाकारद्वय देवु वरा एवं लक्ष्मी तिवारी, सञ्चारकर्मी एलिसा ढुङ्गानालगायत गोरखाका स्थापित साहित्यकर्मीहरू नारायण प्रसाद पोखरेल, सुरेन्द्र देवकोटा, विजयभक्त उपाध्याय, प्रदिप रोदन, यदु अधिकारी, उदय भट्टको उपस्थिति रहेको यो भव्य अनि सभ्य कार्यक्रम सञ्चालनको भूमिकामा अनेसास नेपाल च्याप्टरका सदस्य मधु पाठक थिए ।

कार्यक्रममा कविता वाचन, शुभकामना मन्तव्य , संस्थाका गतिविधिका बारेमा जानकारी, साहियले पर्यटनलाई पार्ने सकारात्मक प्रभाव, पर्यटनले आर्थिक समृद्विमा पुर्‍याउने बलियो टेवाका बारेमा चर्चा परिचर्चा भएको थियो ।

साहित्यको गरिमलाई मनन गर्दै अबको पालिकाको कार्यक्रमभित्र साहित्यलाई सँगै जोडेर लाने समेत नगरप्रमुख एवं उपप्रमुख दुवैले प्रतिबद्वता जनाए । राष्ट्रिय कलाकार देवु वरा र लक्ष्मी तिवारीले बेजोड सांस्कृतिक प्रस्तुति देखाएर कार्यक्रमलाई झनै भव्य बनाएका थिए ।